நீங்கள் தேடியது "ஆபாச நடிகை"

வாஷிங்டன்:

அமெரிக்காவை சேர்ந்தவர் ஆபாச பட நடிகை ஸ்டார்மி டேனியல்ஸ். ஸ்டீபனி கிளிப்போர்டு என்ற உண்மையான பெயரைக் கொண்ட இவர், “அமெரிக்க ஜனாதிபதி டிரம்ப் என்னுடன் செக்ஸ் உறவு வைத்துக்கொண்டார்; இது தொடர்பாக அமெரிக்க ஜனாதிபதி தேர்தலின் போது நான் வாய் திறக்கக்கூடாது என்பதற்காக எனக்கு டிரம்பின் வக்கீல் 1 லட்சத்து 30 ஆயிரம் டாலர் (சுமார் ரூ.96 லட்சம்) பணம் தந்தார் ” என பரபரப்பு புகார் கூறினார்.



தேர்தல் நடத்தை விதிகளை மீறி இந்தப் பணத்தை ஸ்டார்மி டேனியல்சுக்கு தான் கொடுத்தது உண்மைதான் என டிரம்பின் வக்கீல் மைக்கேல் கோஹன் கோர்ட்டில் ஒப்புக்கொண்டுள்ளார். ஆனால் ஸ்டார்மி டேனியல்ஸ் கட்டவிழ்த்து விட்டுள்ள கட்டுக்கதை இது என்ற ரீதியில் டிரம்ப், டுவிட்டரில் ஒரு பதிவு வெளியிட்டார்.

இது தொடர்பாக டிரம்ப் மீது ஸ்டார்மி டேனியல்ஸ், லாஸ் ஏஞ்சல்ஸ் மாவட்ட கோர்ட்டில் ஒரு அவதூறு வழக்கு தாக்கல் செய்தார். இந்த வழக்கை நீதிபதி ஜேம்ஸ் ஆட்டீரோ விசாரித்தார். அப்போது டிரம்ப் தரப்பில் வாதிடுகையில், அவர் டுவிட்டரில் பதிவிட்டுள்ள வார்த்தைகள், அமெரிக்க அரசியல் மற்றும் பொதுச்சொற்பொழிவில் தொடர்புடைய வார்த்தைகள்தான் என குறிப்பிட்டார்.

இதை நீதிபதி ஏற்று, டிரம்ப் மீதான அவதூறு வழக்கை தள்ளுபடி செய்து தீர்ப்பு வழங்கினார். தீர்ப்பில் அவர், டிரம்ப் டுவிட்டரில் கூறியுள்ள வார்த்தைகளுக்கு அமெரிக்க அரசியல் சாசனத்தின் முதல் திருத்தம் பாதுகாப்பு அளிக்கிறது என குறிப்பிட்டுள்ளார்.

இந்த வழக்கில் டிரம்ப் தரப்புக்கு ஆன சட்ட செலவுகளை நடிகை ஸ்டார்மி டேனியல்ஸ் வழங்க வேண்டும் என்றும் நீதிபதி கூறியுள்ளார். #DonaldTrump #StormyDaniels 

வாஷிங்டன்:

அமெரிக்க ஆபாச நடிகை ஸ்டார்மி டேனியல்ஸ். இவர், தற்போதைய அமெரிக்க ஜனாதிபதி டிரம்ப் தன்னுடன் 2006-ம் ஆண்டு செக்ஸ் உறவு வைத்துக்கொண்டதாக பரபரப்பு குற்றம் சாட்டியவர் ஆவார்.

மேலும் ஜனாதிபதி தேர்தலின்போது இந்த விவகாரத்தை வெளியே சொல்லாமல் இருப்பதற்காக தனக்கு டிரம்ப் வக்கீல் மைக்கேல் கோஹன் 1 லட்சத்து 30 ஆயிரம் டாலர் (சுமார் ரூ.88 லட்சம்) தந்ததாகவும் கூறி பரபரப்பை ஏற்படுத்தினார்.

இந்த நிலையில் ஓஹியோ மாகாணம், கொலம்பஸ் நகரில் வைத்து அவர் கைது செய்யப்பட்டு உள்ளார்.

அங்கு அவர் வயது வந்தவர்களுக்கு கவர்ச்சியான நடனங்கள், பொழுதுபோக்கு நிகழ்ச்சிகள் உள்ளிட்டவை நடத்தி உற்சாகம் ஏற்படுத்துகிற ‘ஸ்ட்ரிப் கிளப்’ நிகழ்ச்சி ஒன்றில் கலந்து கொண்டபோது, மேடைக்கு வந்து தன்னை ஒரு ரசிகர் ஆபாசம் இல்லாத வகையில் தொடுவதற்கு அனுமதி அளித்தார். இதற்காக அவர் கைது செய்யப்பட்டு உள்ளார்.

இது தொடர்பான தகவலை அவரது வக்கீல் மைக்கேல் அவினாட்டி வெளியிட்டு உள்ளார். அதில் அவர், “இது திட்டமிட்ட நாடகம். அரசியல் ரீதியில் வஞ்சம் தீர்ப்பதற்காக மேற்கொள்ளப்பட்ட நடவடிக்கை ஆகும். இது பெரும் ஏமாற்றத்தை தந்து உள்ளது. நாங்கள் அனைத்து போலி குற்றச்சாட்டுகளையும் சந்திப்போம்” என டுவிட்டரில் பதிவிட்டு உள்ளார்.

மேலும் ஸ்டார்மி டேனியல்ஸ் ஜாமீனில் விடுவிக்கப்படுவார் என்றும் நம்பிக்கை தெரிவித்து இருக்கிறார்.

அமெரிக்க ஜனாதிபதி டிரம்ப் மீது ஸ்டார்மி டேனியல்ஸ் ஏற்கனவே 2 வழக்குகள் தாக்கல் செய்து இருப்பது நினைவுகூரத்தக்கது.